• BNO

如何成為英國公民

Updated: Jul 30, 2020

唔係同你講啲乜嘢5+1而係講呢度小學已經開始講嘅British Values:


1.Democracy 有票你就好投,喺一個非常公平嘅制度底下,選出一個適合自己嘅政黨,做得唔好過幾年踢走佢又得。

2.Rule of law 唔好再諗有啲乜嘢嘢走下法律罅,避開啲乜嘢法例啊,走稅啊,有乜着數囉呢啲咁嘅嘢。

3.Tolerance of Different Cultures and Religions 唔好開口埋口就話人哋阿差,黑鬼呢啲咁嘅嘢,你唔想人哋歧視你,你都唔應該歧視人。

4.Mutual Respect 要識得尊重每個人,每個人都係平等,唔好喺街見到兩個男人拖手或者打車輪就突哂眼咁樣,呢度每個人都有權選擇佢自己鍾意嘅生活而亦都得到尊重。

5.Individual Liberty 自己鍾意做乜就做乜,自己負返責任,只要唔好犯法。我喺度唔鍾意戴口罩就唔戴(法例規定嘅地方除外),亦唔會有群體壓力要我戴。


大陸嘅係人民(people),係俾人統治嘅,英國嘅係公民(citizen),有權利亦都有義務,想享有公民嘅權利,亦都要負返公民嘅責任,當真正理解呢啲嘢嘅時候,你至會真正成為一個英國嘅公民,呢度嘅人亦都會當成你係一個英國人。


自己諗吓為咗乜嘢原因而想過嚟,為咗逃避國安法?有冇諗過喺國安法之前究竟個社會出現咗咁多咁多不公平,不公義嘅問題嘅時候大家有冇盡過公民嘅責任?呢次係千載難逢嘅機會,令大家再次成為一個公民,係英國公民,做公民要有責任,唔好做蝗蟲。



25 views0 comments