• BNO

姓李嘅人,有得見工嘅機會大啲?

10幾廿年前同朋友閑談之間都有討論過呢個問題,因為係英文嘅姓入面都一樣有姓”Lee”,所以會唔會啲公司睇CV時以為你係英國人,所以多咗機會見工呢?咁就真係唔知,冇數據參考。

都唔排除有呢個可能性,不過2020年已經唔同囇,有睇開我哋,都知道英國其實已經多咗好多新移民,得45%本地英國人口嘅倫敦,好多公司已經非常國際化,亦都極少公司只係得英國白人,所以因為係你係外地人/新移民而唔請你嘅機會其實好細,反而最主要係英文同埋英國文化上嘅溝通。

如果自己本身英文可以,英國文化上溝通到嘅話,咁樣搵返自己嘅做開嘅專業,其實都未必太難。但係如果英文真係未得住,開頭可能真係要花多少少時間先至會搵到,咁係唔係代表左呢段時間坐食山崩乜都唔做呢?

咁都可以試吓搵住啲需要識中文嘅工作頂住先嘅。但係唔建議做太耐啦,尤其係中國人開嘅公司,一定有返咁上下嘅中國人文化,好聽講就叫刻苦耐勞囉。咁係呢段時間俾啲心機學下英文,熟習一下英國文化,加上又有喺英國嘅工作經驗,之後轉返做一啲英國公司就會容易好多。

至於點樣搵,大家可以睇吓呢條片,睇吓點樣可以做定準備research下啦。

https://youtu.be/IQrMED2L-Mo


******************** Subscribe埋我哋YouTube啦 https://www.youtube.com/channel/UC2iopFfC14r08zMAQZnPLaA

follow埋我哋嘅Instagram啦 https://www.instagram.com/bnoliveuk/

過往嘅實用性資訊post可以睇呢個site http://www.bnoliveuk.com

******************** 我哋喺英國真係好鍾意飲酒,可以支持下我哋,請我地飲杯嘢呀 https://ko-fi.com/bnoliveuk

#BNO #BNO平權 #移民英國 #英國搵工

23 views0 comments